BE.232 Logu no.116
JESUS URUPI

Ayat 1
Sian sude parulian na arga Sada huboto hutiop tongtong
Jesus Tuhanku Ho arta na arga Na mangatasi sudena antong
Tangkup Tuhanmu tung tiop hataNa Sai pangasahon ma bagabagaNa.

Ayat 2
Naeng ho pistar ? Sai dapothon Tuhanmu Nasa na hurang sai boan tusi
Tu pamodaiNa paunduk rohaMu Asa tiur sasude bogasMi
Tangkup Tuhanmu tung tiop hataNa Sai pangasahon ma bagabagaNa.

Ayat 3
Naeng ho tigor ? Pangasahon Tuhanmu Na tuminggalhon sangapNa sude
Na gabe jolma pasaehon dosamu Holom ma, aithon pangkophopNa i
Tangkup Tuhanmu tung tiop hataNa Sai pangasahon ma bagabagaNa.

Ayat 4
Naeng ho mangolu salelenglelengna ? Di Tuhan Jesus do jumpang ho i
Nunga torang ditaluhon sibolis Nang hamatean sigomgom sude.
Tangkup Tuhanmu tung tiop hataNa Sai pangasahon ma bagabagaNa.

Ayat 5
Jesus Tuhanku sai Ho huhaposi Pataridahon tu au holongMi
Pangidoanku tu Ho sai tangihon Basabasahon tu au ngoluMi
Asa di Ho au di harajaonMu Lao patulushon pasauthon hataMu
